一啖天文(5) -東南西北(2) Mei Wong
20171205
上次利用北斗七星同仙后座搵到北面之後,背向自己個面自然就係南面。而淨底嘅東西面就可以透過星星東升西落嘅原理,做一個動作得知。
將右手整個Tick號,再將食指指向北極星,由右至左轉動,模擬星星東升西落,咁就辨別到東同西面喇!(片一)
但其實星星東升西落係種錯覺黎嫁!我地之所以睇到星星東升西落,都係因地球自轉而造成嘅。地球持續由西向東自轉,而我地身處係地球又感覺唔到佢嘅運動,反而會覺得成個天球都由東向西繞著地球旋轉,咁就造成星星東升西落嘅錯覺喇。(圖一)
最後可能有人會問,係南半球又或者赤道附近,見唔到北極星嘅時候,又可以點樣睇星星辨別方向呢?咁就留意下一啖天文喇!