一啖天文（30）- 星群 Mei Wong
20171230
香港嘅夜空受到光同空氣污染嘅影響，喺市區望到嘅星星寥寥可數。相比起其他地方，一抬頭成條銀河都清楚望到嘅時候，究竟香港適唔適合睇星呢？答案當然係適合啦。喺香港更加容易觀察到各種星群！
星群係天文學中出現在地球嘅星空中一種非正式星座型態嘅恆星集團。好似星座咁，佢地基本上係由一尐喺相同方向上嘅恆星而組成嘅，但又冇物理上嘅實質關聯性。一個星群可以由同一個星座嘅恆星組成，即都可以係黎自多個唔同星座嘅恆星。佢們主要由簡單嘅形狀或者少數嘅恆星而構成，令我地更加容易辨認到佢地個樣，因此對尐係度學習辨認星座同喺觀看夜空嘅初學者特別有用。
其實講尐例子大家就會明唒。
季節嘅大星群就有春季大弧線、春季大鑽石、夏季大三角、秋季大四方、冬季六邊形、冬季大三角。(圖一)
星座嘅別名都有好多例子。大熊座嘅北斗七星、天鵝座嘅北十字、天蠍座嘅J型、仙后座M,W,3型、武仙座嘅蝴蝶、獅子座嘅老鼠。(圖二、四）
而抽取左星座局部嘅星群有：獵戶座嘅腰帶、寶瓶座嘅水缸、武仙座嘅棒子、獅子座嘅鐮刀、人馬座嘅茶壺。（圖二、三、四）
亦有小而明顯適合望遠鏡嘅星群：狐狸嘅衣架星團、鹿豹座嘅甘伯串珠。(圖五)
所以呢，香港受到光同空氣污染嘅影響，但相對地更容易觀察到尐光星，更容易辨認到尐星座，好適合睇星嫁。
 圖一
 圖二
 圖三
 圖四
 圖五
參考資料: Wikipedia
圖片來源: 香港太空館, Wikipedia, Nissen Lam, Mei Wong |
