幫手探測木星科大師生拎獎

C.L.Chan

【明報專訊】家學生比賽種類繁多，幾乎你諗唔到嘅都有得玩。最近7名科技大學師生首次參加美國太空總署噴射推進實驗室舉辦嘅「國際太空軌道設計比賽」，力壓美國、俄羅斯、中國等32支專家隊伍勇奪亞軍，結果將有助太空總署同歐洲太空總署（ESA）等設計2020年木星探測任務。

比賽模擬太空船要喺一個月內，喺指定燃料量、重量限制下，近距離探測圍繞木星伽利略衛星群各衛星表面嘅32個地區。參賽隊伍要負責為太空船設計探測飛行軌道，偵測到愈多地區，得分愈高。

設計太空軌道奪亞軍

科大團隊今次伙拍歐洲太空總署代表，根據衛星運行位置數據，應用快速全面嘅計算軌道方法，加上自行編寫程式，設計出以近距離飛越伽利略衛星141次，成功偵測衛星大部分地區而得到308分，僅輸畀冠軍意大利隊3分。

C.L.Chan

回復 1# C.L.Chan

老師有陳烱林教授及王國彝教授。