Meade ETX-90AT 適合新手嗎

murphy_choi

嘻~~我又來問新手問題了

之前係巨眼的網站見到一款Meade ETX-90AT, 先講講我揀中呢款的原因
1. 主要是用來影月球, 行星等等, 介紹話可以睇到深空天體, 不過睇資料只有最大放大倍率325 和 焦長1250mm , 可能未必睇到, 但新手來講我諗應該夠用
2. 自動尋星, 新手來講好方便, 唯獨係唔肯定是否包括赤道儀的追星功能(雖然有寫係可以校為赤道儀模式, 不過始終未用過唔知係點)...唔係的話長時間拍攝時會有麻煩
3. 重量算係可接受範圍, 雖然成套連腳架, 加埋都接近10kg, 但拆開揹和手提的, 應該都仲可以應付到, 當然始終不可以拿住去太遠...
4. 價錢來講算好平, 加埋T ring 等其他配件, 都係4k 左右, 係我能力可應付範圍

想問下有無哪位前輩用過這系列, 甚至這款望遠鏡, 看看評價如何

TONGKW

這些义座(fork mount)的馬卡鏡子(Maksutov Cassegrain telescope)用作目視觀測很好，也算便攜，適合作初學人仕第一枝鏡。
用來影月球可以，影行星則不甚容易。
只有 90 mm 口徑只可看到較光亮的深空天體。
視乎天氣情况，一般天文望遠鏡的有效放大倍率是大約 2x 口徑 mm, 這鏡子最好放大至 2x90=180倍，之後影像會很暗及不清晰。
是可調校為赤道儀模式仍有自動尋星，不過最好先學習自己去尋星。
這類鏡子長時間拍攝有困難，不及正式的赤道儀。
以這價錢不可能什麽都能做到，要明白在這世界上是没有免費午餐的。

----

murphy_choi

多謝唐生的意見, 次次都要麻煩你

其實都預左呢個價錢, 唔會咩都做到, 就算樣樣做到少少, 都唔會做到好好, 不過作為第一支天文鏡, 唔敢買太貴, 起碼叫有支鏡可以試下練習下先, 原本我比較想買125AT, 口徑大點, 不過就重左一點, 而且價錢應該不平.....

再留意下有無其他鏡適合新手用先, 無其他選擇的話, 睇來呢支都買得過